食飯之前有咩指定動作要做？梗係唔係叫齊咁多位食飯或者講句「我唔客氣喇」啦，係相機食先呀！影食物嘅方法有好多種，不過唔係款款影法都啱潮人用㗎，close up、90度角高炒呢啲都濕濕碎啦，而家最潮嘅新影法係超超超高炒「ドロ寫」呀！

平時見到唔少食物相係90度角高炒，都已經好想知到底點先影到咁完美嘅角度㗎喇，唔通係用自拍神棍影嘅？

日本就興進化版高炒喇，其實部機距離碗拉麵咁遠影落去，就唔係好睇得清楚碗拉麵個樣㗎喇，不過間中用另一個角度睇呢個世界，都幾得意嘅～

影到張相好似用航拍機影嘅咁，碗拉麵係咪會好食啲㗎？唔少網民為咗跟風影相呃like，個個都喺舖頭入面企上張櫈度高炒影碗拉麵，搞到唔少食客同埋舖頭都話覺得好影響呀。咁又係嘅，食食下麵企籬條友突然擒嚟擒去，你都驚佢撞到自己啦！

再講吖，如果佢著鞋企上張櫈度，咪好污糟囉？如果除鞋，又會唔會好大陣臭味傳入我的鼻，搞到胃口都冇埋先……嗯，不如食你就食啦，碗麵凍晒喇。

あっ！#ドロ写
池田屋と夢を語れ pic.twitter.com/U2d688RNEk

— 魔人がばちょ (@majingabacho) April 11, 2017

封面圖片、資料來源連結：j-cast、twitter

延伸閱讀：【大嘥鬼】日本女仔為減肥食壽司食剩飯