你有意見，我有意見，咁咪講出嚟囉～唔鍾意兜口兜面講，寫都一樣得㗎。好多地方都會放個意見箱，等大家可以盡訴心中情，唔想畀人知你係邊個，咪匿名囉～真係好保密㗎，應該係。

不過大多數時候，意見箱最多嘅唔係意見，係垃圾呀！唔通係想暗示啲咩？Any肥，如果你遇上呢個意見箱，唔好話垃圾吖，就算真係想入意見書，都要睇下你有冇咁嘅資格呀！

咦？說好的意見箱呢？同胞，岳高個頭睇睇～意見箱喺你頭頂呀！真係冇姚明咁高都放唔入啲意見呀！

傻啦，你以為國家整個意見箱真係畀你哋入意見㗎咩？應該話，你哋敢對國家有意見？個意見箱仲要用紅底黃字，嗱，仲有咩係紅色為主加少少黃色㗎？咁個箱喺你哋班蟻民上面，係咪好正常先～

官方就話，其實黨好樂意聽大家嘅意見㗎，就係你哋啲人成日撞咗落個箱度，咁黨咪聽你哋嘅意見擺上啲個箱囉～又唔啱呀？

都話黨好聽大家嘅意見㗎啦，絕對唔係因為畀你哋放上網恥笑先放返個箱落嚟㗎。咁如果下次又話有人撞親咁點？放喺垃圾筒隔籬咪得囉～反正都係擺啲冇用嘅嘢入去啫，不用分得那麼細啦！

封面圖片及資料來源：中國新聞網、歡哥orz／微博