意外係意料之外，唔想發生意外？咁就要做足安全措施。（藍色多瑙河背景音樂）dom dom dom dom dom，電視都有教啦！之不過而家電視係教你買，唔係教你偷喎，你班hi仔又要做又要偷想點呀？ 

是咁的，話說台灣各大便利店嘅condom失竊率都非常高，尤其是喺大學附近嘅便利店呀，情況就更加嚴重。就兩個星期前咋嘛，有大學生買綠茶嘅時候就順手偷咗個condom走，之後仲畀店員捉到cap埋圖公審?！

面對住呢班hi仔，一眾店員真係頭都大埋。最近，有台灣網民就發現一間位於台灣新北市嘅便利店店員竟然用咗個咁嘅方法嚟對付呢班hi仔⋯⋯

「保險套用偷的，你還是打手槍好了。」

睇嚟呢間便利店嘅店員已經去到一個忍無可忍嘅地步，店員竟然將所有condom收起，仲貼咗張咁嘅告示喺貨架上面?？唉，你班hi仔又係唔抵幫嘅⋯⋯btw，一日最衰都係呢班偷dom賊啦，而家搞到用真金白銀買condom嘅人要開口問店員先買到condom喇！你哋叫一眾怕醜仔如何是好喎！

資料來源：‎廉信祺‎／爆料公社、李昇憲／爆料公社