最近，網上就流傳咗一條以「朋友剛買的一隻哈士奇，想說讓大家幫忙看一下品種純不純⋯⋯」為題嘅短片。

喺片段中，粉紅色嘅狗籠外面放置咗一碗狗糧，而隻哈士奇bb就喺狗籠入面對住碗狗糧不斷大叫兼猛咬鐵欄，好似發晒癲咁樣⋯⋯喂，邊個困住隻哈士奇bb喺狗籠入面但又擺碗狗糧喺出面咁賤格呀？有得睇冇得食，咁同虐待佢有咩分別喎？唔得喇，睇嚟要起呢條友底，然後再公審佢同批鬥佢先得！

大家唔好咁衝動住⋯⋯咩虐畜啫？明明個籠就打開咗嘅！只不過係呢隻哈士奇bb對眼入面除咗狗糧之外就乜嘢都見唔到，所以先連自已個pat pat原來已經出咗個籠外面都唔知咋嘛⋯⋯

「頂住呀！只要咬開個籠，我就有飯食㗎喇！汪！」

嗯，睇完呢條片之後，毛毛可以100％肯定呢隻係純種哈士奇。

資料來源：貼吧娘