水，係生命之源；水，同時亦都令到喵星人一見到水就覺得自己會玩完，唔係又點會有咁多喵星人一聽到沖涼聽隻字就即刻跑走呀？除咗飲水之外，九成喵星人應該都唔會主動畀水掂到佢哋一身高貴又嬌嫩嘅毛㗎喇，但係日本呢隻主子就與別不同啵，一齊睇下～

主子，你點解要咁傻呀！水喉啲水係生㗎，未煲過就飲會肚仔痛㗎知唔知！咦？點解主子你飲水個甫屎咁特別嘅？外國個型男將啲鹽經過手踭先瀡落碟食物度就變咗網絡紅人吖，你係咪都想學佢咁，等啲水經過你頭頂先飲呀？

飲水飲到好似佢咁，都係第一次見呀下。喵星人話晒都係外星生物，以佢智慧嚟講，冇奶油唔知可以直接舐水喉啲水，而唔使飲喺個頭滴落嚟嘅水㗎啵……

唔會嘅唔會嘅，主子冇可能咁蠢嘅！唔通主子知你係一大條窮L，咪唯有洗頭加飲水一次過囉，慳得就慳吖嘛，你都唔明主子嘅心意嘅！

チータロー君それ全然飲めてない #猫 #猫の日 pic.twitter.com/PhiADFh5BE

— ユウさん@イノセンティア製作 (@hornetpoison) April 23, 2017

封面圖片、資料來源連結：hornetpoison／twitter