次次去親剪頭髮嘅時候同個髮型師講「剪短少少得㗎喇」，下場都係……冇好下場，佢好似驚你覺得剪得少就唔抵咁，起勢咁剪到好似鏟完skin head咁，一係偷薄偷到得返幾條毛，唉，早知就自己剪啦，就算7咗，都叫慳返啲錢吖嘛。

人要剪頭毛，喵星人都一樣要修毛嘅，咁先可以keep住個靚仔樣㗎嘛！夏天又就嚟到，都係修一修好啲嘅，不過出去畀寵物院剪一剪就成幾百蚊，仲貴過剪頭髮呀，唔係話唔肯使錢喺主子身上，不過間唔中試下DIY都好嘅，當係增進感情吖嘛～

嘩先生你邊位呀？！媽咪，我哋幾時養咗隻草泥馬呀，乜我唔知嘅！

真係唔講都唔認得，原來佢同上面張相係同一隻喵星人嚟喎！睇到佢好似追咗隻老鼠99條街都仲未捉到咁火燒心嘅眼神就知道，佢對呢個新造型幾咁不滿啦！「好心奴才你唔識就咪亂咁幫朕剪毛啦！還返啲毛畀朕呀！咁嘅貓樣叫朕點出嚟行呀！！！」

主子呀主子，唔好咁嬲啦，其實畀媽咪剪7個頭，都係每個人成長必經階段嚟嘅，第日你諗返就會好懷念㗎喇！

封面圖片、資料來源連結：kandf10373／ptt