講起日本地道小食，唔少人都會諗起鯛魚燒呀、章魚燒呀、大阪燒呀咁⋯⋯嘩＿，真係「日頭唔好講人，夜晚唔好講食物」，一講起呢啲乜乜燒，毛毛個肚又打晒鼓喇！不過咁，就算毛毛幾肚餓都好，見到呢件大阪燒都硬係好似唔係幾開胃咁囉⋯⋯

唉，好地地一件大阪燒整到好似阿凡達咁，你話你似咩樣！似咩樣！

是咁的，話說最近有日本網民就嘗試喺屋企整大阪燒。咁話明大阪燒，材料就梗係不外乎粉漿同椰菜嗰啲咁嘅嘢啦，不過呢位網民用嘅椰菜就唔係一般嘅椰菜，而係紫椰菜，所以件大阪燒整完之後咪又藍又紫咁囉！

雖然紫椰菜嘅味道同大家平時食開嘅椰菜差唔多，而呢位網民試食完之後都話件大阪燒幾好味，之不過佢隻色真係令人好唔開胃呢⋯⋯有網民見到呢件大阪燒個樣咁衰就嘗試幫佢tune下色，睇下會唔會令個賣相好睇啲嘞。

er⋯⋯結果好似都係差唔多咋喎。

紫キャベツでお好み焼き焼いたら異世界の食べ物みたいになった(画像加工なし)#Twitter家庭料理部 #お腹ペコリン部 pic.twitter.com/1bZcrDbHI1

— ♡ぷらずま♡ (@tujyakawaaa) 2017年4月21日

資料來源：tujyakawaaa／twitter、VR_Girl_NoraCat／twitter