其實我國古代人嘅智慧真係好高，雖然我哋未必分到係乜子定咩子講，不過唔少名言到咗幾千年後嘅今時今日都仲好啱用㗎。眾所9知男神碧咸一身都係紋身㗎啦，其中一個就係中文字「生死有命富貴由天」喇，幾咁豁達幾有大智慧呀，好句好句！連男神碧咸都紋中文字喺身，你就知外國人其實都好崇尚我國文化啦。

用開中文嘅人就覺得乜都印句英文會潮啲吖，原來外國人都覺得整句中文句子會型啲㗎，就好似呢間外國嘅中餐館咁吖，佢就喺牆上面印咗「福無重至 禍不單行」喇。呢句名言係就係好有警世作用，提人要居安思危，不過印喺餐館度又好似怪咗少少喎……睇埋隔籬，仲有句「父債子還」，嘩……老闆你係咪得罪咗個室內設計師，爭佢錢未還呀？

笑咩啫，嗰兩句句子起碼都仲叫解釋到有咩意思吖，已經還得神落㗎喇～之前個北歐牌子出嘅新系列，將啲漢字大大隻咁印上件衫度，寫住「迴旋踢和白烤麵包」、「皮椅戰鬥」呀咁，咪仲禍不單行……個designer一定係想透過咁驚為天人嘅作品，控訴世人淨係識睇時裝嘅表面，唔深入了解背後意思嘅不良風氣啫！

封面圖片、資料來源連結： 使徒子／微博

睇埋：【Fashion嘅嘢】印啲奇怪中文字落件衫度是咪型啲㗎？