綠帽唔怕戴，最緊要除得快？嗯嗯，講就兇狠，不過做就碌L吖嘛⋯⋯嗱，假如你都未除得低帽綠帽嘅話，不妨跟以下呢位網民學習一下點樣勇敢地戴綠帽吖！

話說，呢位美國網民Duston Holloway返到屋企嗰陣，竟然見到有條紋身佬瞓咗喺佢條女隔籬，而且條紋身佬仲要赤裸上身咁喎（下半身裸唔裸就唔知啦）！嘩嘩嘩，偷食咪偷食囉，使唔使食到返屋企咁狼死呀？呢個咁壯觀嘅場面真係令佢嬲到震呀！

不過「你敬我一尺，我敬你一丈」，你出軌，我咪影相囉！學獎門人話dry，呢個回合當打和！於是呢位網民就即刻影相放上facebook ，而caption仲寫住「When you come home to another man in your bed with the one you loved! Good men deserve good women」?。

大家睇下，佢哋畀呢位網民開行閃光燈影相都唔識醒，睇嚟呢對狗男⋯⋯呀唔係，係呢對男女又瞓得幾冧咁喎，佢哋一定係好攰㗎啫！係咪呀，哈姆太郎？

資料來源：Duston Holloway／Facebook