小朋友，你知唔知「諗起」同「掛住」有咩分別呀？「諗起」咪就係見到啲物件、或者去到某個地方，就會諗起同一個人有關嘅經歷囉，好平常㗎咋；而「掛住」呢，就係諗起嗰個人之餘，仲會好想快啲見到佢、時時刻刻都想同佢一齊、好似見少一陣都會心掛掛咁囉～

就好似忠心嘅汪星人咁呀，見主人去咗廁所，即刻幾緊張想衝入去陪住主人呀！連主人開大都唔驚，要分分秒秒黐到實，唔係愛係咩呀？

狗狗見唔到主人一陣都咁緊張，更何況係中間有住一門之隔嘅兩公婆呢？

影到呢幕感人畫面嘅網民叫做Mackenna Newman，佢媽咪不幸患上癌症，做完放射治療之後，要喺房間隔離一段日子。雖然大家都喺屋企入面，但爸爸一樣對最愛嘅老婆咁掛心，唔止喺房門陪住媽咪，仲連枱櫈都搬埋去門口，守護住佢。

有網民見到之後，都post相話自己接受隔離嘅時候，自己個7歲嘅細佬都一樣坐喺房門倍伴住佢，令佢好感動。相信有家人嘅支持，患者喺抗癌路上感覺都冇咁孤單。

封面圖片、資料來源連結：mackenna_newman／twitter

睇埋：【雪橇爆破隊】主人！唔好匿喺廁所偷sss食呀！