侏儒河馬一向畀人嘅感覺都係肥嘟嘟、個口可以擘到好大、好鍾意食嘢呀咁，其實佢哋都有好可愛嘅一面㗎～話說，最近就有日本網民喺名古屋市東山動植物園嘅侏儒河馬園區入面捕捉到其中一隻侏儒河馬BB超得意嘅一面嘞！好，而家就等毛毛即刻同大家睇下先！

嗚哇，侏儒河馬BB頭側側個樣就好似喺度諗緊嘢咁，真係好得意呀！唔知佢喺度諗緊啲咩呢？以毛毛9估，佢一定係同一眾扮工人士一樣，每日一開工就諗Lung廚食咩，食完Lung廚就諗癲拿食咩頂嘞～

「望咩呀望！未見過靚侏儒河馬呀？」

「嘻嘻！同你講笑咋，玩下都唔得咩：P」

喊出嚟，嗰條粉紅色脷仔得意到呢⋯⋯毛毛真係畀佢徹底收服！弱弱一問，呢張伸脷照會唔會係史上最可愛嘅侏儒河馬寫真呀？

コウメちゃん(✿˘︶˘*) 4/15 #コビトカバ #コウメ #東山動植物園 #東山80 pic.twitter.com/7nOIIvfEAk

— ぺっこ (@tomotomotomomo) 2017年4月29日

資料來源：tomotomotomomo／twitter