唔少模型場景都需要用到鐵皮，就好似鐵皮屋呀、工廠呀咁。老老竇竇，到底有冇啲既方便又快捷兼且低成本嘅方法可以整到模型鐵皮㗎呢？嗱，最近有位整模型好叻嘅日本網民就喺twitter upload咗幾張相，同大家分享一下自己整模型鐵皮嘅心得嘞。

要整模型鐵皮？其實唔難吖，用紙皮扮都得啦！

大家睇下，只要將塊紙皮整濕，然後再慢慢搣開佢，咁樣咪已經有個好靚仔嘅波紋形狀囉？跟住大家再用模型專用嘅顏料幫塊紙皮上色，一塊唔拎上手都唔知佢係用紙皮整嘅模型鐵皮咁就出咗世喇！要整模型鐵皮真係話都冇咁易呀⋯⋯

嗯嗯，要成功整到塊模型鐵皮出嚟的確唔難⋯⋯i mean個外型，難係難在上色吖嘛。要整到塊模型鐵皮睇落又殘又舊，仲要有啲生銹咁，冇返好似呢位網民咁上下嘅上色技巧都咪使旨意整到呀唉⋯⋯

アマゾン箱に入ってるダンボールをサビさせてみました pic.twitter.com/43JIfBEUZ8

— ひらりん (@hiralin502) 2017年5月1日

資料來源：hiralin502／twitter

睇埋：【神之手】唔睇到最後幅相都估唔到佢係模型屋