啱啱過咗嗰三日連假，話晒係勞動節，勞動下執下屋都好嘅～因為一係唔執，一執先知屋企原來收埋好多冇用嘅嘢呀！有啲嘢仲要堆喺啲雜物嘅深深處度，搵到出嚟先知道佢畀時間遺忘咗⋯⋯

好似呢嚿黑猛猛嘅嘢咁，你睇唔睇得出佢係咩嚟呢？唔通係龜苓膏啲fd？食唔食得㗎？

原來係一嚿過咗期嘅鏡餅呀！所謂鏡餅咪即係日本年糕囉～嘩，一嚿白雪雪嘅嘢究竟要擺咗幾耐先會搞到而家咁黑猛猛呢下⋯⋯

答案係18年呀！嗱嗱嗱，你實問明明相入面個包裝寫住11年， 頂盡咪得嗰6年，邊有18年呀？你睇真啲報紙上面個日期？平成廿九年呀，你明未呀？11年係講緊平成十一年，唔係2011年呀！

話薯話，呢嚿黑化兼液化咗嘅鏡餅⋯⋯點解望落隱隱約約有種親切感嘅？

反轉佢咪就係行街喺舖頭見到個啲CCTV囉！嘩，裝喺門口簡直一流呀～啲賊仔見到CCTV都唔敢入啦，佢想整爛個CCTV嘅話仲會中晒招搞到一面都係?！真係男女老幼防盜嘅妙品呀！

封面圖片及資料來源：fjisys_wot／twitter、Amazon.jp、momo購物網