2017年05月02日 星期二
【包裝嘅嘢】嘩咁大盒枸杞肯定有排食啦！
大家無謂再呃自己話「物輕情義重」，我諗，大家係時候停一停，面對我哋見到嘅現實。送禮嚟講，一個字：大！唔理份禮夠唔夠大都好，就算份禮唔夠大，最起碼個包裝盒都要夠大先，總之大大盒就夠體面啦（好似係）！
最近，有台灣網民就話阿媽上個星期去強國出trip嘅時候，阿媽個強國fd子就送咗一盒枸杞畀佢。
嗱，有禮收梗係開心㗎，不過當大家見到阿媽拎返嚟嘅呢盒枸杞嗰陣，大家都不約而同想問，咁大盒枸杞要食到幾時呀？唉咁又係嘅，平時見阿媽煲湯同蒸雞都係落得幾粒枸杞，家陣咁大盒枸杞都唔知要食到幾時⋯⋯
喂，邊個話枸杞淨係可以要嚟食㗎啫？枸杞除咗食之外仲有好多用途㗎！好似強國啲劇集咁，用枸杞嚟扮血漿，畀人一嘢拮中咪灑幾粒枸杞，咁咪夠晒血腥囉！55！
btw，當呢位網民打開咗盒枸杞之後，佢哋就發現⋯⋯哦，原來都唔會食唔晒嘅！
老老77，包裝藝術嘅嘢，你哋識粒桂圓咩？早前有網民發現呢盒強國製嘅桂圓咪又係冇咁多桂圓用咁大個盒！再講吖，人哋個包裝盒上面咪寫明咗「淨含量」囉，呢啲嘢係你情我願㗎啵～
資料來源：Teddy Lin／爆廢公社、hirokodeath_WOT／twitter
延伸閱讀：
