「你肚唔肚餓呀？我煮⋯⋯我自己畀你食吖！」

最近，有位日本網民就喺twitter同大家分享咗一件同主子之間嘅趣事。話說呢位奴才就係咁意講咗句個肚好餓啦，點知佢一講完，主子就唔知走咗去邊喇，正當呢位奴才仲諗緊主子到底走咗去邊嘅時候，佢就發現原來主子坐咗喺隻平底鑊上面喇！

喂，呢位奴才只不過講咗句肚餓咋嘛，主子你使唔使即刻自動獻身咁勇呀？

而奴才見到主子呢個舉動都非常實派！不過咁，雖然主子肯自動獻身啫，但奴才又邊捨得食咗你吖⋯⋯冇咗你，你叫奴才點生存落去喎！

btw，計毛毛話，好心奴才你幾廿歲人就唔好咁多幻想啦，乜你以為主子真係想煮自己畀你食咩？其實主子唔係請你食佢，係請你食佢⋯⋯啲屎咋！吔屎啦，鏟屎官！請等等，我涿（音：篤）屎落緊。

寝たきりで、八千代さんに「おなかへった…」ってぼそっと言ったらベットから離れて、どこ行ったのかなと思ったらおま…

そういうことじゃない…　八千代さんを食べたいんじゃない…　ちがうの…　びっくりしたよ声だしてわろたわい pic.twitter.com/3Y1VZ3M4nb

— みのりかほる (@minori_pan) 2017年5月1日

資料來源：minori_pan／twitter