2017年05月03日 星期三
【兄弟做嘢】成班麥當勞叔叔走入KFC踩場咁惡？
話說，早前有網民喺英國一間KFC叫雞嘅時候就突然見到有班麥當勞叔叔亂入，於是呢位網民就即刻拎起電話拍片啦⋯⋯吖，唔知班麥當勞叔叔無啦啦走入去KFC做咩呢？佢哋係想過檔吖，定抑或覺得隔籬飯香，想叫下家鄉雞咁呢？
勢估唔到，呢班麥當勞叔叔入到KFC做嘅第一件事笨唔係叫雞，而係喪鬧KFC係Shxt係公廁呀！（Er⋯⋯公廁係毛毛加落去。）
老老竇竇，呢班麥當勞叔叔咁做分明係踩場㗎啫，唔好諗住人多就可以蝦人少喎！KFC爺爺，你唔係咁都忍呀？畀著毛毛就唔忍喇！
btw，唔通麥當勞叔叔同KFC爺爺本身fd底又要話畀大家知咩？正所謂：「能成為密友大概總帶著愛」，間唔中耍下花槍有幾咁閒啫，大家唔好大驚小怪啦！
