啲人成日都話，呢個世界冇醜嘅女人，只有懶嘅女人。毛毛絕對同意呢句說話，有時改下髮型、改下眉型真係可以令一個人變靚啲㗎！姊妹們，咁今個夏天你哋又諗好轉咩髮型未呢？嗱，未就啱喇，等毛毛畀啲今期流行髮型小貼士大家啦！

眾所9知，夏天又熱又濕，如果頭髮太厚或者太長都會搞到個頭好焗，所以一個完美嘅夏日髮型一定要帶有空氣感！就好似以下呢位大媽咁：

話說，有台灣網民去覆診嘅時候就見到一位set到個頭得勁行嘅大媽。呢位大媽個髮型就好似漆黑中嘅螢火蟲一樣咁鮮明咁出眾，搞到呢位網民都忍唔住望多幾眼呀！

睇下！呢位大媽巧妙利用空氣感髮型彌補自己身高上嘅不足，輕輕鬆鬆就喺視覺上長高咗10cm。而鮮紅色嘅髮色又以街市bling bling髮夾作點綴喎，真係巧令令唷！

話時話，聽講唔少女仔都因為頭髮太幼所以成日受頭髮扁塌問題困擾㗎啵，但呢位大媽就竟然可以利用幼髮做出有如棉花糖一般嘅蓬鬆感？到底係點做到㗎呢？

btw，識得利用髮型嚟顯高嘅又唔止得上面嗰位大媽嘅，早前呢位阿婆夠識啦！唔知大家有冇發現呢位阿婆個髮型好似好熟面口咁呢？hehe～之唔係因為阿T.O.P都剪過呢個髮型囉～

資料來源：dcard

睇埋：【潮爆阿嫲】連阿T.O.P個頭都駕御到