動畫總係有啲配角仲搶戲過主角，好似《咕嚕咕嚕魔法陣》嘅傑他他老伯同小丸子嘅野口同學咁，出場次數未必夠主角多，但係都有好多Fans㗎！不過要數最特別嘅配角⋯⋯

點可以唔提《柯南》入面嘅黑影犯人呀！邊有配角好似佢咁招積先得㗎？明明係大反派，仲要次次都係唔同嘅人嚟嘅，但係咁都可以畀佢成功上到位，官方幫佢出周邊商品不特止，仲出埋Figma（可動模型）?呀！

就連今年柯南Cafe嘅Menu都有犯人奶昔，將黑影犯人個樣印落杯奶昔度，另外再畀支哥爾夫球棍畀你做攪拌棒。雖然球棍要屈居喺十大武器之首嘅摺櫈之後，但係話晒都係經典殺人兇器吖，睇到真係寧舍有feel㗎！你都扑濕得人多喇，等毛毛維護正義，儆惡懲奸，代替死者懲罰你啦～我啛！

呃⋯⋯話就話扑緊你啫，你個樣使唔使興奮成咁呀？唔通犯人嘅真正身份係⋯⋯真相只有一個！佢一定係個總裁，有五十個陰⋯⋯Sorry，五十道陰影先啱！所以先咁鍾意畀人扑，55，一定係！既然黑影犯人咁enjoy畀人扑，大家旅行經過就記得拎碌棍搞搞佢喇～

封面圖片及資料來源：ohamutyan／twitter、Goodsmile官方網頁