那些年返緊學嗰陣，雖然有MSN，但係有好多妹豬都會親手寫信畀自己鍾意嘅人同啲close嘅fd子㗎，仲會摺到靚一靚先送?～不過好似毛毛呢啲咁嘅毒L，諗返起以前，收信呢家嘢，真係原來沒有，從來都沒有呀……

老老77，毛毛唔貪心㗎，唔一定要係情信㗎喎，收封好人信都好吖⋯⋯點解連一封都唔畀我喎，呢樣真係青春歲月嘅遺憾呀！

有日本網友就發現咗一樣造福各大毒L嘅扭蛋，只要200円就可以扭到一封手寫信喇 ！係真唔係呀？咁咪可以彌補到呢個人生中嘅缺憾囉！

網友仲即場扭咗封出嚟?。下？得個扭蛋同張摺埋嘅紙咋？說好的白信封上面加個心心呢？傻豬嚟嘅，圖片只供參考吖嘛，咁大張紙唔摺埋點放入隻蛋度畀你扭啫？況且手寫信最緊要都係個內容啫～

嗱嗱嗱，真係寫滿張紙，冇交行貨㗎。以毛毛深厚嘅日文（愛情動作片）底子嚟9估，呢封信一定係同佢學校生活有關嘅！55，一定係！扭蛋機上面仲話有六款咁多，真係想扭齊一套珍藏呀！btw，妹豬手字又幾靚喎～不過呢隻色嘅筆同埋啲可愛風嘅字體，點解好似咁熟口面嘅⋯⋯

喂，咁似Toy Story 阿Ken寫信個feel嘅？唔通呢封信⋯⋯幻覺嚟啫，嚇我唔到嘅！就算係男仔扮女仔寫，咁又點喎～呃極你都係200円啫，起碼真係一封充滿心思嘅手寫信吖嘛～話晒而家呢個年代，唔好話收信吖，收到一個多字啲Msg都偷笑啦！

封面圖片及資料來源：mmmmato_／twitter

延伸閱讀：【果然好心痛】我可唔可以一拳打爆呢部扭蛋機？