一入到宮崎駿商品店，就會見到唔少都係電影入面嘅配角嚟，好似《龍貓》嘅貓巴士呀、《魔女宅急便》嘅天師仔呀都係大茄嚟咋嘛，點知又咁鬼受妹豬歡迎啵！香港人可能多數都鍾意行得意路線嘅角色吖，日本人就唔知點解好鬼鍾意呢隻大王蟲喇！

唔好一聽到個名就驚驚先得㗎，唔係講緊識拖喼嗰啲蝗蟲呀，係《風之谷》入面嗰隻呀！呢嚿不知名物體咁似王蟲，請問出自邊位日本民間神之手咁呀又？

原來呢嚿，其實係竹筍嚟呀！咩話，乜竹筍唔係一層皮包住一層皮㗎咩！其實呢嚿係剝咗皮嘅竹筍，天生就有埋觸鬚同眼仔，真係同王蟲似到十足十呀，唔知當年宮崎駿係咪睇過呢個形態嘅竹筍先忽發奇想創作咗王蟲出嚟呢？

之前都試過有日本高手整過王蟲造型嘅蛋糕同蛋包炒麵，還原度都好高㗎！不過今次個竹筍100％天然無添加就已經成個王蟲樣，唔通上帝創造竹筍嗰時已經睇過《風之谷》？咁即係有宮崎駿先定有竹筍先呀喂？

ラン、ランララ、ランランラン
ラン、ランラララ〜♪
たけのこの皮を剥いだら、ただの王蟲だったんですが
これからコイツを八つ裂きにしたら大地の怒りを買いますかね？ pic.twitter.com/SmY3NwdA6Q

— まーぼぅ～飛べない豚～ (@sasa_Boo33333) May 3, 2017

封面圖片、資料來源連結： sasa_Boo33333／twitter

《王蟲大集合》

【邊捨得食】乖女自製《風之谷》王蟲蛋糕慶祝媽媽生日

【堅唔伏】自製《風之谷》王蟲蛋包炒麵