最近，有日本網民就喺某個停車場發現一部考驗使用者摺紙技巧嘅自助精算機⋯⋯咦，乜家陣日本啲自助精算機咁講究，需要用到摺紙技巧㗎咩？事不宜遲，而家就等毛毛帶大家睇下！

雖然部自助精算機上面寫嘅全部都係日文，但毛毛絕對睇得明⋯⋯上面啲漢字嘅。嗱，大家都見到啦，其實部機就得幾粒掣㗎啫，都係嗰幾個入錢掣、拎收據掣同找錢掣呀咁，咁又關摺紙技巧咩事呢？

大家畀啲摩擦力睇真啲！見唔見長方形嗰個入錢位係寫住「硬貨投入口」，而圓圓地凹入去嗰個入錢位係寫住「1000円札」呀？即係話硬幣就要入落長方形嗰個入錢位度，而1000円紙幣就要入落圓圓地凹入去嗰個入錢位度呀！

嗚哇，咁大張1000円紙幣點樣塞落個咁細嘅窿度呀⋯⋯

ok fine，既然你叫我入，咁我就入啦！我入㗎喇，你頂住呀⋯⋯嗯，希望匿埋喺部機入面嗰個職員收到啦。

え…お前マジで言ってんの⁉︎
入れるぞ！入れてええんやな‼︎ pic.twitter.com/M42IDEEWPR

— にょっひらƸ̵̡Ӝ̵̨̄Ʒ (@nyohhira) 2017年5月5日

資料來源：nyohhira／twitter