世界末日㗎喇！慘無人道呀！箱蟋蟀竟然成箱跌晒落地下呀⋯⋯

是咁的，話說最近有位屋企養咗唔少爬行動物嘅日本網民就同大家分享咗一件慘事。佢話喎，屋企箱蟋蟀竟然唔小心跌咗落地下，搞到一地都係蟋蟀呀！嗚哇，睇住幾廿隻蟋蟀喺地下走嚟走去嗰種感覺都真係⋯⋯毛毛除咗恭喜之外都唔知講咩好！我真係恭喜你呀！

說時遲，那時快，有蟋蟀已經走到去母雷公咁遠，走咗去樓梯嗰度喇！哎吔，咁搞法會唔會畀班蟋蟀攻佔埋樓下㗎？陣間嚇親樓下啲屋企人咪弊？喂手足，點都要守住個樓梯口呀！

為咗加快清場進度，唔通真係要出動好鍾意食蟋蟀嘅守宮仔嚟幫手清場？

守宮仔表示：「食放題呀？我至Like㗎喇！」

最後，經過呢位網民嘅努力同守宮仔嘅加持（好似係）之後，有7成嘅蟋蟀已經捉返入個膠箱入面喇！而仲有嗰3成呢⋯⋯嗯，唔知啦。

終わった pic.twitter.com/lWdDHQgGkJ

— 雪美 (@sin_ko_go_0601) 2017年5月4日

資料來源：sin_ko_go_0601／twitter