一講起奈良，大家諗到嘅除咗鹿，都係鹿。雖然早前日本奈良縣政府公佈咗上年畀鹿咬傷嘅外國遊客人數有成88人咁多，不過唔少人都覺得照去冇有怕。唔理畀鹿蔑又好，畀鹿咬都好，總之影唔到一張畀鹿圍嘅相，嗰個trip就白去咁話啦（好似係）！

而想畀鹿圍，最簡單嘅方法就梗係買鹿仙貝啦⋯⋯話時話，奈良公園每日都有咁多遊客餵鹿，但次次見親啲鹿仔都依然係餓狗搶sss咁款，其實佢哋會唔會有飽到唔想食嘢嘅一日㗎？

適逢日本黃金週，有啱啱去完奈良公園嘅日本網民就喺twitter upload咗張相，話有奈良鹿已經畀遊客餵得飽晒，就算地下有咁多鹿仙貝擺喺度隻奈良鹿都無動於衷嘞！

「你餵我我就要食，咁我咪好冇面？」

btw，奈良鹿有咁多遊客餵固之然幸福，不過食得太飽都唔係好事嚟嘅。好似之前呢隻泰國馬騮「Uncle Fatty」咁，佢咪就係因為畀遊客過度餵食，所以搞到暴肥影響健康囉⋯⋯希望奈良鹿可以健健康康咁生活落去啦！

東大寺、鹿せんべいが飽和状態でお供物みたいになってる… pic.twitter.com/i2Egh6xOJ1

— なぎさ (@nnagissa) 2017年5月5日

資料來源：nnagissa／twitter、洪綺綺／爆廢公社、คนรักลิงหัวใจแกร่ง／Facebook

睇埋：【要減肥了】遊客日日狂餵食 泰國馬騮肥到成個波咁