曾幾何時，大家都好鍾意講「有圖有真相」。其實有圖又係咪真係有真相呢？可能大家都中得太多次伏啦⋯⋯由唔知幾時開始，呢句說話已經變得愈嚟愈少人講。

而最近，有一位日本高中生同fd子食甜品嘅時候就再一次中咗圖片與現實不符呢個伏。

話說，呢班高中生就去咗群馬縣一間餐廳食雪糕多士盒。嗱，大家睇到menu幅參考圖片㗎啦，一個雪糕多士盒嘅份量都唔係好多啫，咁一人叫一款口味嘅雪糕多士盒再齊齊些牙應該都食得晒吖？

嘩做咩呀你，我嗌㗎！明明menu張圖個多士盒上面得一球雪糕加少少cream、少少醬咁咋喎，點解侍應拎到埋嚟個多士盒上面啲雪糕會多到成座山咁㗎？喂，家陣啲雪糕多到咁，分明就係圖片與現實不符、違反商品說明條例㗎啫⋯⋯不過毛毛鍾意～嚟啦！快啲嚟畀毛毛中呢個伏啦！

btw，雖然呢間餐廳「圖片僅供參考」得令人好高興，但你咁又好易令人哋叫得太多嘢食唔晒㗎喎⋯⋯

めっちゃ詐欺だったわ pic.twitter.com/athoGUB4H2

— てんてん＠紗枝P (@tentensaeP) 2017年5月3日

資料來源：tentensaeP／twitter