扭波嚟講，淨係識得扭劍同狗仔係唔夠！

是咁的，話說日本有位扭波達人就經常都會將自己嘅作品放上twitter畀大家欣賞嘅。最近，佢先將自己最新嘅扭波作品「Sailor Moon魔法棒」放咗上twitter咋嘛，而且唔放由自可，一放就有成三萬個網民些牙喇！吖話時話，Sailor Moon魔法棒都有好多支㗎喎，唔知呢位達人扭嘅係邊支呢？

嗱，話明係日本扭波達人，咁就梗係唔止識得扭「Sailor Moon魔法棒」咁簡單啦～其實好耐之前佢已經成功扭到《小魔女DoReMi》同《百變小櫻》支魔法棒出嚟㗎喇！大家睇下幾靚！

比利卡比利那那抱抱利那比比路多！

百變小櫻魔法神奇誰可阻擋～看我Sakura～揮揮魔棒解開詛咒～

老老竇竇，大家睇啲魔法棒支支還原度都咁高就知呢位日本扭波達人嘅功力有幾深厚啦，睇嚟冇爆返百9幾個波都咪使旨意扭到呀！btw，假如學識咗扭呢幾支魔法棒嘅話，咁係咪溝女冇難度喇？

バルーンアートでセーラームーンの歴代杖３つを作ってみた。｡･:*:･ﾟ'☆,｡･:*#セーラームーン #スパイラルハートムーンロッド #カレイドムーンスコープ #キューティームーンロッド #バルーンアート
#作ってみた pic.twitter.com/eSkExKTex8

— ke63 (@Ke63balloon2) 2017年5月6日

資料來源：Ke63balloon2／twitter

睇埋：【蘊藏住黑暗力量嘅鎖匙】日本扭波高手連小櫻魔法棒都扭到！