早兩個月啲人個個都飛去日本賞花，搞到毛毛個ig同FB都畀櫻花相瘋狂洗版呀！哼，跟返某司長嘅邏輯，去浸溫泉使咩去日本咁遠呀？中國都有啦～係囉，賞花又使咩去日本咁遠啫～中國都有啦！

是咁的，早前強國有人分享咗海口牧場個杜鶰花海嘅相，真係又隱世又靚喎！通常啲Label咗「隱世」 又靚嘅地方會點吖？咪臭係爆紅，然後畀人瘋傳，跟手嗰個星期六咪即刻逼爆晒人囉！

一向愛花嘅強國同胞又點會放過今次機會吖，一場嚟到花海點都要帶返啲手信返去嘅！折一截枝嚟影下相先！順手咪帶埋返去種囉，反正有咁多棵，唔多覺嘅～

有冇搞錯呀，好心啦，拎嗰一枝半枝就不如唔好攞，拎返去都種唔到啦！要攞就成棵連根拔起咁拎返去吖嘛！連貨車都準備埋，呢啲叫咩呀？Pro囉！

但係賞花得棵花好似唔多夠喎，人哋日本賞花都有酒又便當又盛喇，作為偉大嘅強國人又點可以Dry睇咁悶呀？

起碼要起個火嚟BBQ啦，你話係咪先！仲要用杜鶰花嘅枝嚟當柴用?呀！點解？人哋燒鵝都用荔枝柴啦下化，用杜鶰花枝嚟BBQ，肯肯定連條腸仔都香啲呀！55，一定係咁喇⋯⋯

好地地一個花海就咁畀你哋玩殘，果然係所到之處，寸草不生呀！愛國嘅朋友你哋都係留喺國家消費同旅行罷啦好嗎？真係唔好去其他國家喇唔該。

封面圖片及資料來源：華西都市報