好多人都覺得日日沖涼好麻煩，明明全日都留喺office歎冷氣，冇乜郁動又冇出汗，使乜沖涼咁嘥水嘥時間嘥心機啫……不過諗就咁諗啫，始終都係會死死地氣沖咗涼先瞓嘅。狗狗就唔同喇，唔想沖涼就真係會一見到水就逃跑，搞到主人要出盡奶力先捉到佢洗白白呀！

嗱，狗仔，今次毛毛都唔幫你喇，平時唔肯洗白白都可以忍多你一兩日，但今次真係唔沖涼唔得喇！做咩玩到成身都係泥呀，你叫主人點抱你返屋企喎！

唔知係咪細個睇得多《西遊記》之類嘅神話故仔呢，成日都覺得唔同動物都可能係妖怪或者神仙嚟，要到特定情況先會露出真身，即係好似豬八戒變咗靚仔之後，一見到靚女就會突返個豬鼻出嚟咁呀。眼前呢隻狗狗平時就係汪星人，估唔到一落田就現形，變返隻石獅子呀下！

得自己一個，應該冇咁夠膽走落田現真身嘅，一早都話你有同黨㗎啦！兩隻狗狗一齊玩泥漿，仲唔係左右石獅子嘅化身？

ขำรูปนี้อยู่เป็นนาทีิ 555555555 pic.twitter.com/j47Q4NeVYa

— อนว.? (@youare_cobal) May 5, 2017

封面圖片、資料來源連結： youare_cobal／twitter