古乳有暈，近朱者赤，近墨者黑，原來唔止人類係咁，就連狗狗都係咁㗎，如果將一隻好貪玩嘅狗狗同另一隻可靠嘅狗狗擺埋一齊，平日好可靠嗰隻都可能會跟同伴做埋啲傻仔嘢㗎！

「喂，玩還玩，唔好咬得唔得呀汪？」

好似呢兩隻狗狗咁，你睇左邊嗰隻幾無奈？咪同人一樣囉，身邊總係會有個唔多正常咁朋友，成日自high都唔知佢想點呀。喺呢個時候，作為朋友，你可以做嘅咪係⋯⋯同佢high埋一份囉！

「一齊嚟，汪！汪！汪！汪！汪！yo！」

今次主人慘喇，平時一隻咁high都已經令人好頭痛㗎啦，今次仲要兩隻一齊癲，真係主人都冇眼睇呀！

兩隻小惡魔仲要合體?啵！呢隻咪《火影》入面隻雙頭狼？主人小心呀，仲唔快啲投降拎晒啲零食畀佢哋，唔係佢哋一陣出牙狼牙你就慘喇～

有其他網友仲將佢兩個PS做遊戲嘅Final Boss，望落真係一啲違和感都冇喎。咁你而家知道做佢哋主人幾艱難啦，日日都好似打大佬咁呀！

不過對於主人嚟講，就算狗狗幾百厭，都係甜蜜嘅負擔嚟嘅～就算佢哋幾曳，一見到佢哋個打耳樣，條氣都順返晒啦！話晒一家人吖嘛！

封面圖片及資料來源：vloc_ol／twitter