人就好犯賤嘅，啲嘢擺晒喺佢面前呢，佢唔識珍惜㗎，係都要話畀佢知呢樣嘢係咩特別版呀別注版呀珍藏版呀紀念版呀咁，佢就狗衝去買喇！商家佬咪臭係睇穿人類呢個心態，手袋呀波鞋呀呢啲乜都出特別版囉，估唔到而家連零食都會有特別版喎！

日本呢隻朱古力脆皮雪糕波正常就……都係一個脆皮雪糕波咁嘅形狀囉，真係普通到唔識形容呀。不過特別在佢有隱藏版，聽講有20%機會可以買到星形，而買到心形仲得3%?！如果真係咁好彩買到隱藏版，仲唔影相呃like咩，商家佬呢招高呀！

世上仲恐怖過女朋友嘅生物，咪就係老婆囉。話說日本有個網民話佢老婆成日話自己未試過抽中星形雪糕波，唔開心豬呀。點算好呢，老婆心情唔靚，自己都唔使旨意有好日子過呀，一於出手幫下佢啦！唔通佢諗住買夠100盒？實有盒中喇啩？

傻豬嚟嘅，作為一個犀利男人又點會做冇把握嘅事呢？首先偷偷地用cuter?開個包裝盒先……

再擺啲螺絲圈入去……咩呀而家螺絲圈唔係星形呀？又blingbling又墜手，包保老婆鍾意呀！家陣仲要一盒六粒都係星形，係滿滿嘅愛呀哈利！

呢個咁有心思嘅老公仔仲要喺包裝仲貼埋螺絲圈張相上去，想考下老婆摩擦力咁話喇啵？

下場係點？睇下呢個老婆整嘅愛心飯盒咪知囉……相信老公都一樣收到好多老婆送嘅星星啫！唔明？你有冇睇過卡通片㗎，畀人扑完頭咪會有星星喺佢個頭度轉轉下囉。

嫁さんが『星の形を見た事がない』と言うので、お風呂上がりの楽しみを12mmナットに変えて冷凍庫へ。 pic.twitter.com/oUJdMXfTbn

— もひかん@書籍発売御礼！ (@mohikan1974) May 7, 2017

封面圖片、資料來源連結：mono96.jp、mohikan1974／twitter