「咩人睇咩嘢」呢句說話，簡直就係宇宙永恆真理。就好似《勇者鬥惡龍》特別版炸雞個史萊姆型膠蓋咁吖，一般人睇到，咪就係見到史萊姆囉，特別曳曳……吖唔係，特別有創意嘅人見到，咪就係豐胸小幫手囉。

喂！個膠蓋咁硬，你都夾硬攝落心口，驚唔驚畀條邊?親呀？升球大墊就見得多喇，本身都冇乜特別，但呢款史萊姆大墊最吸引人嘅係嗰若隱若現嘅尖尖吖嘛……乜你開到個冷氣好大咩？

話明係膠蓋，成陣膠味，又硬掘掘咁，好睇唔好用，淨係睇表面好膚淺啫，追求埋手感好喎。有網民就廢物利用，用史萊姆膠蓋當係模咁，整咗個芝士蛋糕出嚟喇！

嘩！成個shape幾咁堅挺幾咁圓渾呀，好一對奶……黃包咁樣樣嘅芝士蛋糕呀！上面嗰兩點就更加係可遇不可求?啦，係咪見到都想舐下呢？嗱，咪話唔提醒你呀，雖然呢個史萊姆形蛋糕就Q彈過個膠蓋，不過唔好真係攝喺心口呀，一撞就散咗就唔係幾好啦。

おととい、妹にチーズケーキを作るって約束したんだ。最初は普通に作る予定だったんだ。TLに流れてきたスライムがいけないんだ。ちょっとした出来心だったんだ。許してww pic.twitter.com/T0H3EDiATP

— のん＠らむぅ (@xoxo_lalafell) May 7, 2017

封面圖片、資料來源連結： aoiusagi3456／twitter、xoxo_lalafell／twitter

睇埋：【立即變大亦得】買Lawson嘅史萊姆特別版炸雞有豐胸作用？