次次同屋企人講想養寵物，佢哋都會話：「人都未養得掂啦，仲養寵物？」咁又係嘅，而家樓價高企，人都就嚟冇屋住啦，仲點養多隻寵物喎！不過，如果由老竇同媽子開聲嘅唔同呢，佢哋想養嘅話就咩問題都唔係問題啦，唔夠位咪掟你出街囉⋯⋯55，難怪啲人話養咗貓貓狗狗之後，你就會變咗屋企食物鏈嘅最低層啦⋯⋯

呢位日本網友嘅媽子就係成日上網睇柴犬片，所以睇到好想養返隻～唔止咁呀，佢仲先斬後奏，養咗先同阿仔講?！喂媽子，今時今日咁嘅養寵物態度係唔得㗎啵！

btw，說好的柴犬呢？媽子你畀塊熨衫板我睇做咩呀？

咩熨衫板呀？呢隻咪媽子隻柴犬囉！嘩嘩嘩，好一條硬狗呀下⋯⋯白色嘅柴犬咁難買都畀阿媽買到，係叻豬嘅！大家睇下，呢位日本媽子仲要驚死阿仔認錯嗰隻係狐狸，所以喺塊面隔籬寫咗柴犬兩個字?，真係好體貼呀～

趴低des！嗱，隻柴犬仲識聽媽子話趴低㗎，聽話到咁，你仲唔係世界上最聽話嘅柴犬？不過媽子⋯⋯我想熨衫呀，你可唔可以叫狗狗企返起身先呀？

老老竇竇，乜你哋以為阿媽恨養柴犬恨到黐q咗線咩？黐黐黐你就黐，嚟緊個星期日係咩日子呀？咪就係母親節囉衰仔！媽子而家畀貼士畀到咁明顯，阿仔你就識做，一於買多塊新嘅熨衫板畀阿媽，等佢湊成一對啦！

封面圖片及資料來源：quiizu