主子身手敏捷又行蹤飄忽，有時真係唔知佢去咗邊㗎。唔通喵星人全部都接受過專業嘅忍者訓練，所以識隱身術？唔係奴才又點會將間屋反轉再反轉都搵唔到佢喎！

好似呢個靚女剷屎官咁，你睇佢幾大膽，居然捉住主子嚟咀喎！放開隻貓仔，等毛毛嚟⋯⋯吖，唔知係咪主子怕咗呢個咁熱情嘅妹豬，所以佢竟然喺屋企入面玩失蹤，唔見咗呀！

而妹豬當然立即call齊全家人進行地氈式搜查，誓要搵到主子為止啦！不過話晒都係喵星人，又點會咁易畀你搵到吖？佢哋成家人搵咗成日都搵唔到呀陰功！

唉，其實主子咪遠在天邊，近在眼前囉！

「（打喊露）啊～你搵我呀喵？」

人哋見個紙巾盒咁啱size，啲紙巾又軟熟咪入去瞓陣囉，你哋啲愚蠢嘅人類喺度大驚小怪做咩呀？真係睇少你哋一陣都唔得嘅！

「乜我瞓咗咁耐㗎喇？我啲罐罐呢喵？」

奴才四圍搵你咪就係想提你用膳囉主子～不過聖上你年紀仲細，未食得罐罐住啵，飲住奶奶先啦，等你戒咗奶，奴才實買畀你吃嘅。Between，奴才想打個乞嚏，唔知聖上你肯讓返盒紙巾出嚟未呢下？

封面圖片及資料來源：the Dodo