2017年05月09日 星期二
叫老婆買加大版鱷魚Logo衫 佢竟然買咗呢件嘢返嚟？
「我都話咗唔係咁咯！點解咁都可以錯㗎啫！」
話說，早前有台妹同阿媽去美國旅行嘅時候，老竇就話想阿媽幫佢買件L字頭嘅加大版鱷魚Logo衫返嚟喎，於是阿媽旅行嗰陣就特登走去L字頭專門店度幫老竇買啦⋯⋯不過咁，你哋估個個阿媽英文都咁好㗎咩？雖然呢位阿媽已經用盡畢生學過嘅英文嚟同店員溝通，仲猛強調話要「big logo」，但最後佢都係買咗件咁嘅嘢返嚟畀老竇呀！
喊出嚟⋯⋯老竇係話要件有「加大版鱷魚Logo」嘅衫，唔係話要件有「加大版鱷魚Print」嘅衫喎，你唔係咁都買錯呀嘛？唉，所以咪搞到老竇突然無言靜了下去囉！唔止咁，老竇仲因為今次呢件事畀一眾網民改咗個名叫「鱷魚哥」?，今次真係老竇無奈但老竇不說喇！
btw，鱷魚Logo同鱷魚Print都係鱷魚，不用分那麼細啦！再講吖，老婆買畀你嘅衫你夠膽唔著咩？
資料來源：dcard
延伸閱讀：
