以前個年代，就話會見到人哋有紋身就叫人做公仔佬、甚至覺得人係黑社會啫，而家時代唔同喇，多咗好多人覺得紋身係藝術嘅一種，仲有不知幾多文青鍾意細細個、線條簡單嘅清新style小紋身?呀！講起紋身嘅由來源遠流長，咩國家咩時代都有呢種文化出現過咁滯，不過就似乎未聽講動物都會紋身啵？

最近喺菲律賓就有漁民（沒有樂）撈到條有紋身嘅大怪魚喇！將佢同另一條同品種、大細都差唔多嘅魚隔籬比較下，就會清楚見到有幾大分別！

嚟個close up先，怪魚身上嘅紋身圖案有皇冠、盾牌、樹藤之類嘅圖案，甚至連字母都有，感覺真係好神秘！

到底點解條魚一釣上嚟就有神秘圖騰嘅呢？大家都有唔同嘅睇法：

（一）有專家話條魚可能係畀異物或者海洋垃圾纏住，時間耐咗，就留底不可磨滅嘅痕跡喇。（但係啲圖案線條咁清楚同流暢，唔似係意外啵？）

（二）亦都有人話可能條魚真係畀人喺身上紋身再掉返落海，而家又不幸地畀人類撈多次上岸。（呢個巧合真係令人好sad……）

（三）啲神秘圖案可能係生物學家做研究時用嘅記認，而條魚就喺海底嘅研究基地偷走咗出嚟。（佢知道咁多秘密，估唔到喺畀特務殺魚滅口之前，就畀人撈咗……）

至於撈到條紋身魚嗰個漁民就話覺得呢個係一個神秘現象，覺得係神畀人類嘅訊息喇。

世界咁大，人類又點度知道得晒呀，尤其係深不可測嘅大海呀，所以毛毛覺得係海神顯靈，想警告我哋唔好再破壞環境，都唔出奇㗎，你又點睇先？

封面圖片、資料來源連結：Metro News UK