講起日本，唔係買買買就係食食食㗎喇，講真吖，除咗青蛙刺身呢類騎呢嘢難啲接受之外，又好似冇乜日本嘢係會唔啱食咁啵。刺身、拉麵、天婦羅、抹茶乜乜乜……真係隨口都數到一大堆正嘢呀！講到日本美食，又點少得和牛先？我唔客氣喇！

A5和牛油脂分佈均勻，入口即溶，齒頰留香，回味無窮……和牛係就係好出名，日本都有和牛刺身食，不過都唔使一大球一大球咁食下話？起碼都用火槍燒燒佢吖大佬，你咁同原始人有咩分別呀！

傻豬嚟嘅，呢個其實唔係和牛生肉球，而係雪糕嚟呀……不過成個都鮮紅色，再夾雜啲白色，又真係幾似生肉嘅。

仲有呢杯飲品呀，雖然明知佢係士多啤梨味，但一望到個樣，就硬係覺得自己飲緊血水咁囉……唔通人哋話視覺會影響味覺，係真嘅？即係話我望住個胳肋底食龍蝦，都會覺得有臭汗味？！

雖則話和牛係日本特產啫，都估唔到會咁大塊和牛隨街跳呀下！唔知香港又會唔會有雞蛋仔、魚蛋燒賣之類隨街跳呢？

31のドルセ デ ブラッドオレンジ、生肉に見える人続出w pic.twitter.com/xYiInX4L7p

— ユカ (@rubylilybell) May 9, 2017

封面圖片、資料來源連結：rubylilybell／twitter、Mashy5ry／twitter

同場加映：

【眼力測試】乜地下嗰塊唔係牛肉嚟㗎咩？

【回不去了】你話盒胭脂似和牛 叫我以後仲點搽面？