變變我變變變～好多人都話識魔術就可以氹到女仔，你呃人！大把毒L夠識變斷手指又變返手指出嚟，有啲仲識將一隻手指變做兩隻?呀，咪又係冇女！

梗係啦，玩咗十年都淨係識嗰兩招～原來玩手指魔術都好有學問㗎～最近就有個日本網民，玩手指都可以玩到出神入化，仲要有好多人like?，等毛毛跟佢學下嘢先得！

掹隻拇指再插返入去呢下係基本啦，重點係要流暢咁做完成個動作而唔可以穿煲，練熟就可以去level2喇！

Level2 就係要同時換多一隻手指呀！要做到好似將食指掹走再接落拇指度，然後再拎返隻拇指駁返去食指，成個動作咁複雜，協調差啲都唔得呀，一陣唔小心，變咗舉中指就唔好啦！

不過咁都好小事啫，係咪唔明點解有咁多人又like又share呢？梗係啦，好戲在後頭呀！

睇佢chok下chok下隻尾指，唔通有機關？嘩！成隻尾指掹咗出嚟呀！好神奇呀，典解嘅 ？你好叻呀！咪住先，神人你變得咁快，我哋睇得唔太清楚喎！

咁就等毛毛同大家慢動作睇多幾次啦！呃⋯⋯都係睇唔出⋯⋯唉，溝女絕技呢家嘢，咁容易畀我哋睇得出就唔係絕技啦～師傅呀師傅，教返一招半招過我哋旁下身吖，等我哋啲兵仔氹下女神開心都好吖⋯⋯

封面圖片及資料來源：mf9lovek11nbsc／twitter