小朋友係純潔嘅，當你長大之後，就會懷念嗰個見到青瓜同香蕉都只係諗起手拍青瓜同香蕉船嘅自己㗎喇。唉，真係回不去了⋯⋯搞成咁，我想㗎？一日最衰就係啲玩具商啦，將啲嘢整到奇奇怪怪咁，你叫人哋點唔亂諗啫！

嘩，咁L大碌嘅！有個車厘龜⋯⋯嘅頭，但係個身就變咗一碌嘢，望落又冇咩違和感喎！你搞到車厘龜咁嘅款，睇到人哋紅都面埋喇！話薯話，咁大碌，有啲妹豬張床好窄，放唔落㗎啵。

嗱嗱嗱，呢個世界笨唔係話大就大晒嘅，細細地咪幾好，方便攜帶呀，仲有咁多隻色?，都係嗰句啦，易襯衫吖嘛～見到呢啲小畫筆，係咪好有親切感呢？

望住佢，幼稚園拎住碌畫筆起勢咁亂畫嘅回憶返晒嚟呀！粉紅色嘅畫筆，加埋呢個軟綿綿嘅質感，呢個毛文毛毛有一股衝動⋯⋯

呢位朋友你走喇，我唔想搞大件事呀。唉，就算用第二隻色望落都係咁邪惡，果然長大咗就返唔到轉頭喇⋯⋯Molamola，童年就係咁樣崩壞咗喇。咦，乜咁啱呀？你都要面壁呀？毛毛隔籬有位喎。

封面圖片及資料來源：moriyuki_da／twitter