2017年05月12日 星期五
【堅持的柴柴】到底條繩要拉到幾長 你先肯跟我返屋企？
汪星人係人類最好嘅朋友，不過朋友都有好多種嘅，唔同品種嘅狗狗都有唔同特性，就好似八哥出名為食，哈士奇出名高智慧，貴婦就最叻請請咁吖，而柴柴嘅最大特點，一定係夠晒堅持喇！
「難得主銀有時間陪我Go街街散步步，梗係要玩耐啲啦！主人，我哋去埋嗰邊玩瀡梯梯同揈韆鞦先啦！汪汪！」（題外話：有冇人可以解釋到點解同狗仔講嘢要用咁多疊字？）
喂，你已經行完一個圈又一個圈喇喎，而家我放你定你放我呀……唔好以為坐定定就可以唔返屋企呀下！唔准再扭計呀！Go呀！
「只要再堅持多一陣，主銀一定會心軟㗎……哎呀條頸好攰呀，不過都要死撐落去呀汪汪！就算成個雙下巴出晒嚟，咩形象都冇晒，都要同主銀死過！爭取散步權益！」
唉，明明都已經一日三次，每次兩個鐘咁帶你出嚟散步，點解都仲可以咁爛玩，咁唔黐家㗎！到底條繩要拉到幾長，你先肯跟我返屋企呀？！
柴柴，你都係乖乖地放棄罷啦，唔係下次主人要你學呢隻狗狗咁，自己放自己就唔好啦！
まだ帰りたくないんだもんねー?? pic.twitter.com/tsAy9k43nb
— 柴犬ハナ (@87shiba87) May 10, 2017
封面圖片、資料來源連結：87shiba87／twitter
《狗狗Go街街散步步大集合》
【傻豬嚟嘅】狗狗見主人鬆開狗帶以為被遺棄 個樣sad到…
