仔女仲細嘅話，做阿爸阿媽嘅，最緊張就梗係佢哋返學返成點啦，不過成績表嚟嚟去去唔係「活潑好動」就「有待改善」，到咗家長日見班主任又好似睇醫生咁見得嗰5分鐘，了解得幾多吖。就算有「家長睇堂日」，班馬騮都會突然好識做咁又扮乖又踴躍舉手答問題，邊度睇到真正嘅上堂情況呢？

美國有個同學仔就因為唔專心上堂、成日掛住撩人傾偈而畀老師投訴喇。老竇收過咁多次老師電話，都會冇面㗎大佬，於是佢就同阿仔講，如果再收到投訴，就一於喺課室見，看實佢上堂！

好衰唔衰，出咗名多口嘅阿仔真係又再畀老師投訴呀……某一日，佢開開心心咁返到學校準備上堂嘅時候，先見到老竇已經坐定定喺課室等佢囉……重點係，呢個阿仔唔係小學生，而係17歲仔㗎喇，今次真係咩面都冇晒喇，你叫佢以後仲點識女仔呀！

雖然老竇話唔想再有下一次，不過都話覺得啲同學好鍾意佢喺度喎（梗係啦有花生食吖嘛），生女就係前世情人，老竇你咁大整蠱，同阿仔前世一定係好巴打嚟。

My dad told my brother if he got another call from the physics teacher complaining he would go sit in his class..dad got another call ? pic.twitter.com/zteNyXqhpy

— Molli Howard (@mollih04) May 5, 2017

封面圖片、資料來源連結：mollih04／twitter

延伸閱讀：【係父愛呀】妹妹上堂瀨尿瘀爆 老竇接放學特登整濕條褲陪佢