2017年05月12日 星期五
【好surprise呀】部電腦嘅防撞物料竟然係零食！
網店開到成行成市，老闆們都要出盡奇招吸客先得喇，不過毛毛就覺得呢，送電視框、包郵、送小禮物呢啲都係bonus嚟㗎啫，始終穩穩陣陣做好本份先最信得過，如果件貨唔係貨不對辦就包裝得唔好打到爛晒，你送幾多禮物畀我都冇用啦。
話說最近就有個日本網民話佢收到電腦包裹嘅時候，就有個好大嘅實派時喇！買電腦最緊要就係包得安安全全，唔係點會啲泡泡紙拆極都仲有吖？呢個包裹，竟然就用零食嚟做防撞物料喇！又防撞又食得，一次過滿足晒兩個願望呀！不過會唔會部機就冇事，條脆脆棒就撞到碎晒㗎？
人哋寄張SD卡就用幾十包紙巾做防撞物料，跟返比例，寄電腦應該用幾百包零食先正路喎，而家得嗰幾條邊夠食呀？嗱，一於就咁話啦，下次擺多啲零食落去就畀五星評分你啦！
やったー！パソコンちゃんが修理から帰ってきたー！！これで！お絵描きできます！！直ったかもとか言ってごめんね大修理だったね…?
— 万里?5/7までガリ勉受験生✏ (@banri_rkgk) May 11, 2017
って開けたら緩衝材にうまい棒入ってたwwwなにこの会社www頼んで良かったwww pic.twitter.com/Ye4vhnS3iN
封面圖片、資料來源連結：banri_rkgk／twitter、ahiru589／twitter
同場加映：
