認住呢隻鷹，呢句廣告是撈緊大家細細個就聽過啦！鷹通常畀人嘅感覺都係又Cool又型仔嘅，所以好多牌子都好鍾意用鷹嚟做logo㗎。不過有好多人都會將鷹同隼撈亂，冇計啦，兩隻咁似樣，真係好難分㗎！

喂，明明講緊隼同鷹，做咩整幅貓相出嚟呀？雖然趴喺度嘅貓貓都幾得意啫～但係貓同雀係爭好遠㗎啵！個頭係邊呢下？

睇多兩眼，原來真係隻雀嚟㗎啵！仲係遊隼?！咪住先，遊隼唔係同鷹好似㗎咩？應該好有霸氣同好威威先係㗎，點會軟綿綿成嚿朱古力麵團咁㗎？

原來主人馴養咗呢隻遊隼，養到佢肥肥白白～家下仲識反轉瞓喺度畀人摸肚肚同賣萌?呀！就連主人都忍唔住恥笑佢懶，特登係嗰Post度問佢究竟係唔係真係遊隼嚟㗎？

其他網民都話第一眼望幅相，都真係會當咗佢係貓呀！主人，而家咪益咗你囉，養雀仔都可以有養喵星人嘅享受，唔通阿隼哥嘅身體入面藏住一顆喵喵心又要話過你知咩～

だらけすぎだろ…お前本当にハヤブサなのか…？ pic.twitter.com/8IqNIdwIr2

— 川上十億＠バンチ連載中 (@juoku_k) 2017年5月11日

封面圖片及資料來源：juoku_k／twitter