小朋友嘅模仿能力好強，叫佢扮兔仔就識V字手擺喺頭頂跳跳跳下、叫佢扮貓仔又識用手背洗面、叫佢扮蛇就會瞓喺地下瘋狂脷伸，真係精叻可愛呀！一直以為小朋友淨係識扮唔同動物㗎啫，估唔到連呢樣都識扮喎……

嘩咩料呀！講緊咁打耳嘅細路仔，成個feel明明好溫馨㗎嘛，點解一嘢就轉躢台去鬼片嘅！呢張仲唔係《咒怨》最新poster？！俊雄呀俊雄，冤有頭責有主，你都係返去搵你個衰老竇啦報仇啦！

原來頭先張相，係網民手多多加咗filter執出嚟㗎啫！睇返原圖，咪冇咁恐怖囉……（你肯定？）B女平時喺幼稚園扮得貓仔狗仔兔仔多，唔通而家想扮清道夫魚又要話你知咩～

B女企喺玻璃後面，雖然個嘴仔貼實塊玻璃係就係驚嚇咗少少，不過都仲叫做睇得出係自己個女吖！呢隻柴柴第一眼望埋去，就真係會以為屋企有異形喇！唔信？你試下當佢對耳仔係異形眼、當佢對眼係異形兩個大鼻窿咁睇吖，係咪回不去呢？

先日、恐怖の体験をしました。 pic.twitter.com/Ariq5R1hDs

— シロ@娘さん1歳4ヶ月 (@shiro_010) May 10, 2017

封面圖片、資料來源連結：shiro_010／twitter、tadayon0／twitter

同場加映：【個心離一離】阿仔你咁樣舐塊玻璃係咪想嚇死人？