返學最美好嘅回憶，就係成班同學一齊上堂嘅時候做啲違規野，例如偷偷喺櫃桶食嘢，收埋個耳筒喺手袖聽歌，托住個頭扮聽書實際瞓覺，真係好青春呀！

其實上堂瞓覺都好講技巧㗎。有啲人會托腮瞓，又有啲人會托住個額頭，遮一遮對眼，另一手就拎住支筆扮寫嘢。不過講到最霸氣就梗係直接伏低瞓畀老師睇啦！

原來而家上堂瞓覺己經進化到有雙人組合技㗎喇！呢位同學上堂嗰陣，發現有兩位互不相識嘅同學，竟然使出呢招「人肉枕頭」嘅絕技呀！

首先後面位嘅同學要伏喺枱面瞓，仲要用本書嚟墊住，咁先可以承受兩個頭嘅重量㗎嘛！然後前面嘅同學就要用最佳嘅角度向後瞓落去，要控制力道，同重量嘅分佈，咁先可以做到一齊瞓著嘅境界㗎！

唔識都咁有默契，呢啲咪緣分囉～話唔定繼續發展落去可以編寫愛的經典?！

你以為佢兩個已經夠高手？真正嘅高手係張相前面個同學呀！有眼利嘅朋友發現，同學嘅褲袋位置有不尋常嘅腫漲，唔通佢收埋咗咩秘密武器？一定就係新阿姆斯特朗旋風噴射阿姆斯特朗砲喇！

封面圖片及資料來源：rogerstrand97／twitter