抌衫落洗衣機之前check清楚衫袋入面有冇嘢是常識吧！每次check真啲，咁咪唔使驚衫袋入面啲錢會畀洗衣機攪爛，又或者驚衫袋入面啲紙巾會搞到成機衫污糟晒囉！

而除咗衫袋入面嘅紙巾之外，唔小心黐咗上件衫度嘅飯粒都一樣會搞到成機衫污糟晒，而且仲有機會令啲衫黐立立?⋯⋯喂咪住先，點解呢幾粒米同可兒一樣咁可疑嘅？

反轉件衫一睇，點解呢幾粒米後面有個金色嘅托嘅喂？原來呢幾粒笨唔係飯粒，而係心口針嚟㗎！

嗱老老竇竇，用飯粒嚟整心口針係咩玩法毛毛就唔知，毛毛淨係知道日本啲食物模型還原度咁高，呢個飯粒心口針fake都fake死幫你check清楚衫袋入面有冇嘢嘅阿媽啫。

資料來源：ksvimatu／twitter

睇埋：【真嘅一樣】表面上佢哋係食物，但實際上佢哋係一個電話座嚟！