2017年05月15日 星期一
【眼力測試】唔細心搵真係唔知每張相都收埋一條假丁丁呀！
到今時今日仲捉緊小精靈呢份毅力呢，就唔係人人都有㗎喇，不過短時間之內堅持做一件事，或者達到目標，都仲可以嘅，就好似玩「威利在哪裡」咁吖，其實搵到又點啫，但我哋由細到大都仲係一見到人山人海嘅圖就想搵下威利喺邊㗎啵！大個仔喇，想玩「威利在哪裡」又驚畀人笑你小學雞呀？不如玩下呢個大人版嘅眼力測試啦！
呢個IG嘅相表面上就影緊幾個大細路嘅日常生活，但其實暗藏玄機……只要細心搵下，就會發現原來每張相都喺隱閉位收埋一碌假丁，真係要落足眼力先可以成功搵得晒出嚟㗎！唔講咁多，一於精選幾張同大家玩下啦，去相！
毛毛都知大家堅持唔到咁耐㗎喇，又冇心機慢慢爬comment搵答案啵。唉，見你求我，唯有開估，幫你哋圈晒出嚟啦……嗱，真係想挑戰自己眼力（或者對假丁嘅敏感度），就上佢哋IG慢慢搵啦！
知道晒答案，係咪一嘢爽晒呢～不過最後呢張相真係睇見都痛痛地，話晒假丁都係丁吖，本是同（子孫）根生，放過佢啦好嗎？
封面圖片、資料來源連結：subtledildo／instagram
《眼力測試大集合》
