如果你以為有人一齊瞓，暖嘅只係個身，少年，你實在太年輕喇！最暖嘅係個心呀！只有毒L先會明白，自己一個瞓，內心嗰種空虛、寂寞同埋凍，唯一嘅慰藉就只有雙手⋯⋯緊緊咁攬住自己咋，你諗咗去邊呀！

毒L們！改變人生嘅機會嚟喇！係咪好難以置信呢！呢幾張紙仔有咁大威力？呢幾張唔係普通嘅紙，係買完CD送嘅特典換領券呀！

唓，CD啲特典不外乎咪又係攬枕、公仔嗰啲，畀盡你都係抱抱會啫，有幾改變人生呀！

喂，今次特典係有妹豬咬住個套套陪你大被同眠喎～簡直就係毒L嘅人生夢想啦！雖則只係短短幾分鐘，但係呢啲平日只會喺二次元發生嘅情節，而家買隻CD就感受到，你話毛毛係咪有你心先！

呢個咁珍貴嘅情報，係由一名日本網友提供嘅，有圖有真相，CD舖個Logo大大隻字印喺度，應該都唔會係假喇啩（好似係）？不過網友Post咗出嚟之後，似乎反應冇想像咁好啵。

有啲人就鬧成件事好變態，又有啲人見網友話嗰班妹豬係中學生，所以提佢分分鐘犯咗兒童色情法㗎！不過主辦單位搞得出嚟，都應該check過晒法例先啩？況且，今次機會咁難得，就算毒L口裡說不，身體都⋯⋯香港嘅毒L睇到有冇少許心動呢？FF下喇，這些機會是屬於喺日本嘅毒男㗎⋯⋯

封面圖片及資料來源：nodasori2525／twitter