擺入保險箱嘅嘢又點會唔重要，唔重要嘅嘢又使乜擺入保險箱呀？之所以話，同保險箱入面嘅嘢一樣咁重要嘅⋯⋯保險箱鎖匙又點可以唔擺埋入保險箱度呢？

話說，最近有台灣網民就出賣fd子，佢話fd子因為passport同保險箱鎖匙都擺咗喺保險箱裡面，而個保險箱又需要同時輸入password同用鎖匙先開到，加上個fd子下晝又要上機，時間緊迫，所以最後就決定出動油壓鋼剪嚟剪爛個保險箱喎⋯⋯

嗱嗱嗱，粉身碎骨咪就係咁解囉！大家睇下，個油壓鋼剪一嘢夾落去，個保險箱就咁壯烈犧牲咗喇⋯⋯唉，假如呢位網民個fd子係大衛高柏飛嘅話，咁咪唔使搞咁大場大龍鳳囉，55。

話時話，講開鎖匙呢家嘢，唔知鎖匙擺咗入保險箱慘啲吖？定係開門嘅時候扭斷咗條鎖匙，兼且條殘骸仲要塞埋入鎖匙窿慘啲呢？

資料來源：pinterest、許威威／●【爆廢公社三館】●