百變小櫻～魔法神奇誰可阻擋～《百變小櫻Magic Card》呢套陪住我哋長大嘅動畫，之前有消息話會捲土重來出續篇動畫，Fans梗係開心啦！不過，咁咪即係官方又會出新周邊，我哋個荷包又要大出血囉？

喺街度見到一副古羅卡都賣成幾百蚊嗰陣係咪灰9晒呢？其實你有心機又有時間嘅話，唔一定要買官方周邊嘅 ，不妨跟呢位網友偷下師，自己砌下古羅卡紙雕都可以好靚㗎！

要整紙雕，首先你要將同一張卡瘋狂Copy & Paste， 跟住印佢出嚟。今次網友示範嘅就係「無之卡」，即係Nothing喇，咁點將Nothing變Something呢？

就係要好有心機咁逐Part剪佢出嚟喇～特別係啲要突出啲Layer嘅地方，好似頭髮咁，就要更加小心剪喇！

剪完一大輪，只要將啲配件一層一層咁黐上去就得㗎喇～雖然黐紙雕就唔會兩層比一層鬆化咁易碎，但係都係小心啲好，仲要按返深淺，做返啲弧度出嚟，咁望落先夠立體㗎～

由於時間嘅關係，網友已經做好咗「無之卡」，仲整埋「鏡之卡」?！真係好靚呀！將啲古羅卡整到咁立體，好似個卡精靈喺張卡度瞓緊覺，隨時可以叫佢起身咁，小櫻仲使乜叫佢哋回復本來真面目叫得咁辛苦呀～

係咪睇完都唔明點整呢？正常吖，平日睇完人教煮嘢食，我哋喺屋企煮嗰陣咪又係煮到一Pat嘢咁。所以都係捕住神手網友個Twitter，睇佢幾時出新作品好過啦！

封面圖片及資料來源：mozza120x2／twitter