廢青冇錢又想去旅行，可以點做？一個字，慳得就慳！見到有平機票就準時12點去搶，然後再上網搵下有冇平嘅Hostel或者民宿住囉。唉，有得揀，邊個唔想唔使錢住大屋吖？

機會嚟喇，飛雲！如果你只要同屋主做個簡單嘅交易，就可以免費住呢啲咁靚嘅豪宅，你又點睇呢？你諗咗去邊呀？冇人要你賣身囉，係要你嘅愛心咋。

外國一個叫Trusted Assitters，運作方式有啲似欸吖BnB，係畀啲打算去旅行嘅屋主搵租客住自己間屋嘅。唔同嘅係，租客一個仙都唔使出，只要租客要好好照顧嗰間屋嘅真正話事人就得喇！

背後Big Boss？就係呢班毛孩大帝喇！好多人去旅行，最頭痕就係搵邊個照顧佢哋啲心肝寶貝，始終自己啲fd子親戚都冇義務咁做㗎嘛⋯⋯

寄宿者就唔同呢，話晒有權利就有咁嘅義務啵～幫你慳咗咁多住宿費，淨係叫你幫下手照顧寵物，你唔係咁都托手踭下化？如果你本身就鍾意小動物嘅話，呢個簡直係至筍嘅交易?！

不過咁，話就話免費，但其實要登記做會員先可以用呢個服務㗎，而做會員係要畀錢㗎，一年會籍要港幣千零蚊左右啦～去一次旅行嘅住宿費都唔止啦，計落條數都抵嘅。唯一要煩嘅問題係，啲毛孩咁打耳，我哋啲奴才會唔會成個旅程淨係掛住陪佢哋玩，唔記得晒啲行程㗎？

封面圖片及資料來源：omgfacts、Trusted Housesitters