2017年05月20日 星期六
【好夢幻呀】點解我啲pancake煎煎下個邊會變咗藍色嘅？
雖則食物嘅外表唔會影響食物嘅味道，但食物嘅外表真係好影響人嘅食慾囉！唉，點解你要咁傻，搵呢種材料嚟整pancake呀？出事㗎嘛⋯⋯
嗚哇，呢兜顏色sharp到廣告彩咁款嘅嘢係咩㗎？
是咁的，話說最近有日本網民就諗住整pancake，而呢兜咪就係佢兜打好咗嘅pancake粉漿囉。至於點解兜嘢係紫色？呢位網民就話係因為加咗漿果喎。喂，咁多隻漿果係邊隻漿果先？咁嘅顏色，係咪加咗藍莓呀？但呢位網民又話唔係，佢自己都唔記得嗰隻漿果叫咩名喎（以毛毛9估，可能係黑加侖子啦）。
any肥，本身紫色pancake都冇乜嘢嘅，港女最愛嘅紫薯咪又係紫色！不過，當佢將啲粉漿放落平底鑊度煎嘅時候，佢就發現啲pancake嘅邊位由紫色變咗做藍色喇！
佢家下原色邊～又變返做藍色邊～嘩嘩嘩，條藍色邊做咩事呀？咁詭異嘅喂？
有網民就話喎，原來塊pancake會變色係因為加落去嗰隻漿果含有花青素，花青素會因為pH值唔同而改變顏色，所以而家花青素遇上整pancake時會用到嘅發粉咪變咗做藍色囉。
大家睇下，有另一位網民都表示自己整藍莓cup cake嗰陣遇過同一現象，搞到啲蛋糕成嚿發霉海綿咁㗎！老老77，其實藍邊pancake又點？發霉海綿蛋糕又點？改個靚名咪一天都光晒囉！吖，叫天使藍定地球藍好呢？
よく分かんないベリーを入れてホットケーキ作ったらこんなになったんだけど誰か助けて加熱するとだんだん青くなるの怖い pic.twitter.com/ER3r7wtKGV
— ちおりもち@3日オビなりきり(？) (@chiorimochi) 2017年5月19日
